الإجازة أخيراً!

بعد شهر تقريباً من العجقة والتقصير وكل شيء، على الأغلب لا أحبه، وصلت اليوم إلى الإجازة!

في الفترة الماضية كان هناك الكثير من الضغط في العمل بسبب سوء التنسيق والتنظيم الذي نتج عن دخول مشاريع فجأة لم تكن مدرجة من قبل في جدول العمل، مما أدى بالتأخير في المشروع الأساسي، وبالتالي أدى إلى كل هالخربطة.

كانت الشركة مشتركة بالمعرض، وبالتالي داومت الأربعاء والخميس والجمعة، على أساس أنو نعطل لآخر الإسبوع اللي بعد المعرض، طبعاً الخربطة والتأخير اللي صار خلوني داوم لليوم.. بالإضافة للرشح (الغريب) اللي -كوني ما كنت عم إرتاح- طول فترة مليحة هالمرة. واللي صار فيني آخر شي أنو على عدم الراحة صرت لما عم داوم مالي نفس إشتغل شي، يمكن كل الشغل اللي اشتغلتو بالأسبوع الماضي ما بيستاهل يوم لو كانت الأمور شوي زابطة والواحد بيعرف تماماً شو الطريق اللي بدو يمشي عليه ولوين بدو يوصل، بكل الأحوال حصل ما حصل.

هلق خلينا بالعطلة.. أخدت عطلة لآخر الإسبوع.. الساعات الأولى منها ما كانت متل ما خططتلو، مع أنو يفترض كانت تكون كم ساعة رواق الواحد بيستهل فيها العطلة بس تجري الرياح بما لا تشتهي السفن.. والواحد بكون كتير تعبان ليقعد يفكر وين المشكلة بهالشي، هل هي عندو ولا عند غيرو، حالياً رح إتمسك بالمنطق وقول أنو من المنطقي أكتر أنو المشكلة مو معقول تكون بهالكم بني آدم وأنا من بيناتهن الصح، لذا لابد أنو المشكلة عندي : (

إضافة تعليق: